البنات مخها متركب غلط ولا االولاد......شكلهم الاتننين !!!!!!!!!!

1.ممكن افهم ليه البنات بتفرح لما اى ولد بيقول لها انتى حلوة؟

((هو البعيدة ما عندكوش مريات في بيتكوا تعرفي منها اذا كنتي حلوة وللا مش حلوة؟))

2. ليه لما جوزك وللا خطيبك وللا حبيبك بيخونك او يسيبك عشان واحدة تانية، ممكن

اعرف بتكرهيها ليه وتنزلي فيها شتيمة وممكن متجيبيش سيرته هو

باي حاجة وحشة مع انه هو اللي خانك مش هي؟

ولو رجع لك بتسامحيه وبرضه تفضلي تشتمي فيها وما تسيبيش مخلوق الا لما تقولي له انها كذا وكذا وكذا

ومعظمها في منطقة الاعراض على رأي كريم عبد العزيز، lol!

طيب هو لما بيرجع لك وطبعا اول سؤال بتسأليه: وهي فيها ايه زيادة عني؟ هو اكيد بما انه عايز يرجع مش ح يقول لك هي احلى ولا

اظرف ولا اذكى ولا بارتاح معاها في الكلام ولا حبيتها ولا اي حاجة من دي عشان هو مش عايز مشاكل، فطبعا يقول لك: والله دي

ضحكت عليا واكلت دماغي وورطتني ولقحت جتتها عليا وخلافه

طب انت البعيدة ما عندكيش مخ؟ ما عندكيش عنين تشوفي بيها هي متميزة عنك في ايه؟ ما عندكيش قدرة تميزي بيها انه هو

اللي طفس وعينه فارغة مثلا؟

بصراحة الرجالة في النقطة دي اعقل،

3. ممكن اعرف لما بتمدي البوز المتين وهو يقعد ساعة يسألك مالك ما بتقوليش مالك ليه؟
طيب بوزتي عشان زعلانة حقك، طيب

مش تقولي زعلانة من ايه وللا ح تفضلي مبوزة كده وهو يضرب الودع عشان يعرف سبب البوز ايه؟

((لا ازاى لازم تفضل تخنق فيه لغايه اما يقولها خلاص اولعى))

4. يعني ايه عايزة راجل شخصيته اقوى من شخصيتي ؟ وايه مفهومك للراجل اللي شخصيته قوية؟ يعني يشخط ويزعق
ويقول لك ما تكلميش ده وكلمي ده ورايحة فين وجاية منين ويكبس على نفسك صح؟

طيب لما بتتجوزي واحد غبي فيه كل المواصفات دي بتكتئبي ليه وتتخني وتقعدي تعيطي عمال على بطال؟ مش انتي اللي عايزة كده؟

انت ما تعرفيش ان قوة الراجل في انه يتحكم في اعصابه مش في انه يبقى طور بينطح؟
((الراجل الشاطر اللى يعرف يضرب ويلاقى))....صح ياشباب.. lol!

5.مين اللي فهمك ان عيالك ملكية خاصة تعملي فيهم اللي انتي عايزاه ومحدش له حق يحاسبك؟
((يارب تقرأى دى ياماما)) Crying or Very sad

6. بدل الشكوى العمال على بطال والزن الزن الزن مش بتاخدي خطوات تاخدي بيها حقك بدراعك ليه؟
((ايدك فى خشبه ياختى )) lol!

7.ليه لما واحد بيحبك ويقيد لك صوابعه شمع تتملعني عليه؟

لحد ما تقعي على جدور رقبتك في

واحد يطلع عليكي القديم والجديد وتستحمليه والجزمة في بقك؟
((وتقولى بحبه ياماما بحبه)) lol!

يارب مكنش طولت عليكم

ويارب التوبيك يكون عجبكم
وانا عايزه اعرف ايه رأيكم فى التوبيك وليه يابنات احنا بنعمل كدا ....ياترى احنا بنعمل كدا عشان مخنا متركب غلط ولا الولاد هما اللى بيطرونا نعمل كدا.....اانا مستنيه اعرف رأيكم يااحلى بنات واجمد شباب

wana mstnya moshrktkom ya gm3aaa