$H.U.N.T.E.R$
مشرف قسم الابراج
عدد الرسائل : 281
العمر : 31
المزاج : اللمون
تاريخ التسجيل : 27/07/2008
 | موضوع: خناقة في شبرا  الأحد أغسطس 17, 2008 4:49 am | |
| يوم خنيق جدا
صحيت على : " انت يا زفت البرك , نايم بقالك يومين , الله يخرب بيت سنينك "
طبعا كلكم عرفتوا ان ده دادي العزيز .. بيحبني اوي الرجل ده .. دايما يتفاخر بيا قدام اصحابه
اداني الكلمتين بتوع كل يوم , ساعات باخدهم و انا نايم و ساعات باخدهمو انا صاحي اهو على حسب فمه.. بس المهم بتعكنن اوي لو مخدتهاش .. بس النهاردة مدهاني على الصبح كده على صباحية ربنا , راجع من الشغل بدري النهاردة و قال اما ادخل اصبح على فلذة كبدي - اللي هو انا - بيحبني مووووت الراجل ده
قمت بقة بدري النهاردة بعد الكلمتين الحلوين اللي طالعين من فم ابي زي العسل , كانت الساعة تقريبا 4 كده مش فاكر المهم اتصل بيا الواد خالد زيكا , خالد زيكا ده حبيبي , فاكرينه طبعا , اللي كنا عاوزين نغرقه في البحر, اه ما قولتلكمش الموقف ده , مش مهم اوي
المهم الواد خالد زيكا ده بقة حكاية , بيتخانق مع دبان وشة و اول ما سمعت صوته عرفت انه في خناقة ,و اخر خناقة كانت مع عيال في (النزهة) ظبطناهم كنا عشرين واحدو هما خمسة , طبعا النتيجة محسومة
بس المرة دي الوادخالد زيكا شكله كده اتظبط فبيلم قوة كبيرة جدا , طبعا شلتنا احنا و الاعتراف بالحق حاجة حلوة مش قوة و الا زفت , احنا اخرنا خناقة مع شوية عيال فرافير في النزهة , في المهندسين , كده يعني , نبلطج على العيال بتوع المهندسين و الزمالك (المناطق بتاعت العيال الفافي), لكن ننزل خناقة في شبرا ده صعب اوي اوي !!!!!بس نداء الواجب يحتم علينا كل شيء , اتصلت بالشلة , نفس الحوار مع كل واحد بيبدأ بقشطة يا معلم و تمام و بتاع و اول ما يعرف الخناقة فين ...تطلع الاعذار بتاعت الدكتور و فرح بنت عمه اللي ظهر فجأة و المرض الخبيث اللي كان مخبي عننا حقيقته من زمان , اعذار في العبيط , المهم شديت عليهم و قلت لازم كلكم تيجوا ده خالد زيكا يا جدعان بامانة انا كنت عايز اخلع , بس لما عرفت من خالد زيكا انه مظبط مع ناس من هناك , قلت فل موت , دورنا مش هيزيد عن اننا عدد بس و العيال التانية هتخلص , و هتتكتب لنا في السي في بتاعنا اننا طلعنا خناقة في شبرا , قشطة فحت ؛ ظبطنا المعدات بتاعتنا , انا عارف كويس انها مش ملائمة للمكان بس هي دي امكانيتنا , الاليكترك , و مضرب البيسبول بتاع احمد عضمه, و شوية عصيان حلوة و جنزيرين كده و ستفنا العربيتين اياهم و شدينا على خالد زيكا , قابلنا خالد زيكا في الف مسكن , و طلعنا على العزبة , وقفنا في حتة بعيدة عن المكان اللي هيشهد المعركة مستنيين العيال اللي خالد زيكا مظبط معاهم و نستنى , نستنى , ما حدش جه , ايه ياض يا زيكا العيال فين يا عم ! , جايين يا جدعان ما تقلقوش , فاتت ساعة و محدش بيجي , اتصل بيهم سي زفت , الواد اللي كان متفق معاه قال ان ابوة دخل المستشفى و مش هيعرف يلم حد و يجي , اه كده , ننسحب بقة يا عم زفت , لا ننسحب ايه يا جدعان انا اتبهدلت و انتوا معايا يبقة لازم اجيب حقي ,و ابتدى صوته يعلى , و انا مش عارف اسكته , و راح و اخد بعضه و جاري ناحية القهوة اللي انضرب فيها و طبعا مقدرناش نسيبه روحنا وراه مكنتش اعرف انه بيتخانق مع الشارع كله , الدنيا ابدت تمطر ازايز ازاز و اكياس مية , كل اللي جاي يتخانق معاه في ايده حاجة بتلمع , يا اما سيف يا اما مطواه , يا نهار اسود ايه ده كله , معلش بقة يا جدعان انا عملت نفسي مش معاهم و وقفت اتفرج كده واحدة واحدة ابتديت انسحب برة الموضوع , لغاية ما بقيت جنب العربية , لا طبعا ما جريتش بيها هو انا ندل و الا ايه يا جدعان لا مش للدرجة دي , انا اتصلت بالبوليس , من الموبايل بتاعي و بعدين جريت بيها انا عارف انه كان يوم رخم اوي و ممل و محبط , بس هي الدنيا كده يوم حلو و يومين تلاتة اربعة زفت , المهم العيال نصهم بيت في القسم و النص التاني في المستشفى , و انا بيت في حضن ابويا اللي بيحبني اوي و استقبلني استقبال الابطال لاني راجع بدري النهاردة و قالي :
" - جاي بدري يعني يا سي زفت النهاردة , اكيد خلصت فلوسك و جاي تاخد غيرهم , جتك الارف . "بصيتله و ابتسمت و على السرير معتدل مرش ... مش قولتلكم الراجل ده بيحبني جداملحــــــــــــوظة انا مش من القاهرة اصلاً ههههههه صباح الاشتغالات قولولى رئيكم فى تأليفى | |
|
