الــبــخــيـــــل !!!

صباحكم سكر يا أجمل أخوة وأخوات فى العالم

واحشتوووووووونى

وعايز رأيكم فى مشكلة غريبة خالص خاااالص

دلوقتى ايه بئة الحكاية

بنت حبت ولد ... طبعاً لحد كدة عادى ودة الطبيعى اللى بيحصل كل يوم

المهم الحب الحب الشوق الشوق سنتين

وأخيراً راح وخطبها و تمت الخطوبة وعلقوا النور وكله تمام التمام

قوم ايه اخدها و نزلوا فتعال يا حبيبى نتغدى فى مطعم قالها ايه ليه

لما نروح عندكم نتغدى ..

البنت سكتت

كل اسبوع يروح يزورها ايد ورا وايد أودام


كل ما يخرجوا يمشيها لما يقطع نفسها

تقوله تعال نركب يقولها المشى رياضة


البنت قلقت


قامت فى مرة وفى ساعة صفا

قالت له بهزار ودلال الأنثى المحتوى على خبثها :

هو انت يا حبيبى بخيل ولا ايه !!

وهنا كانت الصاعقة

قالها انا حريص مش بخيل وبصرف فى الضرورى وبس

الفلوس دى بتعب فيها مش بلاقيها على شجرة

قالت له يعنى ايه

قالها يعنى تعودى نفسك على كدة

انا كدة حياتى كدة نظامى كدة


البنت محتارة تعمل ايه


تسيبه بعد كل الحب دة ؟؟

ولا تتمسك بيه والبخل مرض ممكن شفاءه

انا رأيى تاخد بعضها وتفكها من الجوازة الا البخل ..

أنتم بئة يا حلوين رأيكم ايه

فى أنتظاركم