أقرأ الموضوع كويس وإلا ما تدخلش

بما إننا يا جماعة في سن متقارب جدا أنا هتكلم دلوقتي عن الحب في سننا من وجهة نظري الشخصية وعاوز أسمع ردود تناقشني في هذا الموضوع اللى شاغل بالنا كلنا ومدوخ ناس كتير مننا.
الحب في سننا ده بيكون حب رغبة مش حب تضحية بمعنى إن الواحد فينا بيحب يبقى شايف حبيبه ويحافظ عليه ما يحبش حد غيره يقرب منه وده طبعا صعب شويا لاننا عايشين في مجتمع لازم كل الافراد فيها يتقابلوا مع بعض الواحد منا دايما بيكون بيحب على اساس انه يقضي يومه مش على اساس أن هيبقى في مستقبل بعد كدا بمعنى آخر ممكن نقول إلى حد ما للتسلية بس دايما إحنا بنغفل عن إن أخرة ده إيه هل هيكون حب أبدي وهينتهي بجواز ولا هيكون حب له نهاية مؤلمة تقصر علينا وإحنا لسة صغيريين بنتمتع بشبابنا لو سأل كل واحد منا السؤال ده هيعرف أد إيه حبه لعب عيال بس تكون الإجابة بصراحة لو قدر انه يجاوب على نفسه بصراحة إنه بيحب بجد ويقدر يضحي بأي شييء كدا ممكن نقول إنه بيحب بجد وأنا لا أبالغ إذا قلت إن الحب الحقيقي في سننا نسبته لاتتعدى1% بالظبط
وكمان الحب في سننا بيوجه مشكلة كبيرة أوي من الأهل يعنى لو واحد منا كلم واحدة يقدر يروح يقول لأهله؟ طبعا لاء وكمان هيعيش خايف إن أهله يعرفه ويكلموا بعض كأنهم حرامية بيسرقوا والحب مش غلط علشان يستخبى ولو إستخبى لازم يكون لسبب مقنع يا جماعة أنا ما بقولش ما تحبوش حبوا براحتكم بس النصيحة فكرر ألف مرة قبل ما تحب في سنك ده علشان الجرح في سننا ده صعب أوي
وبرده أنا غفلت عن مشكلة مهمة ممكن تكون أنتا بتحب البنت وهي محترمة أوي ومش عاوزة تكلم ولاد وهي بتحبك بس برده ما ينفعش تكلمها علشان تفضفضلها عن اللي في قلبك لازم تخبي وحتى لو وافقت تكلمك هيكون بطريقة تخنق في التليفون بس أو مثلا تتقابلوا في حتة ما حدش يعرفكوا فيها مرة كل فين وفين
لذا من رأيي أن الحب في سننا أغلبه يكون حب كاذب حب رغبة حب تسلية
مستنى ردودكم على كلامى ويا ريت نتناقش فى الموضوع ده