الحنين بالابوة احساس لازم نوصله

ياااااااااااااااااااااااااااااااااااااة
انت بعد عشر سنين هتكون أب
وعندك بيبى شايل اسمك ..وشكلك ..كل حاجة فيك
حتة منك عايشة معاك ..نسخة مصغرة منك ربنا بعتهالك
هتربي وتكبرة وتعيش معاة
تلعب معاة وتنزل لسنة
ووقت الجد تكلمة اكنك بتكلم حد فى سنك
هيجننك وتجننة
هيعمل حركة او تصرف ماحدش بيعملهم غيرك ساعتها هتحس ان ربنا بعتلك نعمة كبيرة اوى
"البنون"
ام البيبى الجميل دة هى حبيبتك
حد واحد بس هيبقى بكل الناس اللى عرفتهم فى حياتك
هتكون صاحبتك وحبيبتك وقريبتك واختك وامك كمان
حنينة وبتخاف عليك ...يهمها انك تكون احسن منها
علشان فى حاجة ما بينكو انتو الأتنين مشتركة جت الدنيا
هتلاقى اللى يخاف عليك ويتطمن عليك ويحبك بجد
يحبك علشان كل حاجة مش علشان حاجة
هتتطمن وتحس بالأمان
هتقول كان فين الأحساس دة من زمان
هتحس فعلا بمعنى اغانى الحب ..ومعنى انك تكون راجل مسئول
مراتك وابنك او بنتك .........هيكونوا عيلتك ...انت عارف دة معناة اية
معناة ان علشان ربنا يباركلك فيهم وتقدر تسعدهم وحلمك دة يتحقق بسرعة
لازم ترضى ربنا فيهم ..كما تدين تدان
مراتك دلوقتى عايشة فى الحياة ...بتتنفس وانت بتتنفس
بتضحك وانت بتضحك ..بتزعل وانت زعلان
بتحب اللى انت بتحبة وبتكره اللى انت بكرهه
اخلاصك ليها كمان لازم يكون موجود من دلوقتى
يكبر يكبر يكبر ...علشان لما تتقابلوا مفيش حاجة فى الدنيا تقدر تكسرة
لو انت اغضبت ربك ..وخونتها
ضيعت وقتك فى كلام فارغ وبتوهم نفسك انة حب
كسلت فى شغلك ..فى دراستك ...فى حلم من احلامك
كل حاجة هتعملها صدقنى محسوبة عليك
وهى كمان هتعمل نفس الحاجة دى
خليها توحشك ...خليك تحبها
غنيلها حبيبى وانت بعيد ..غنيلها بحبك وحشتينى ....حس معاها بكل اللى انت عايزة
غنيلها وحسها وحبها وانطلق ...لو انت كويس هى اكيد سامعاك
انتو الأتنين هتتقابلوا فى نقطة تقابل
ماحدش يعرف النقطة دى علشان اوصلها هافضل ماشى اد اية وحيد
وهى كمان هتفضل ماشية اد اية وحيدة
بس اللى اعرفوا ان احنا الأتنين بندور على بعض
احنا الأتنين مانقدرش نستغنى عن بعض
احنا الأتنين مشاعرنا مكتوبة باسم بعض
اللى انا باعملة ...هى بتعملة
واللى عايز هى ما تعملوش ...المفروض انا كمان ماعملوش
خاف عليها واخلصلها وحبها اوى من دلوقتى
لعشان لما تقابلها تقولها بجد انا عشقتك من قبل ما قابلك
علشان كنت حاسسك ...كنت عايش معاكى ....ماحبيتش غيرك
اول حاجة فى كل مرة بتبقى اجمل حاجة
فى حاجات صغير بس بجد بتفرق
لو انت كل يوم بتقول لكل واحدة وحشتينى
يبقى مش هتحسها ابدا مع نصيبك اللى هيجيلك
لو كل يوم بتقول بحبك ..فاكرها لعبة
يبقى قتلت احساس الكلمة الجميلة دى
وابدا مش هتقدر تعوضة تانى
حبها فى صمت ....حبها بقوة ....غمض عينيك واحلم
انا لما اشوفها ان شاء الله هاقولها
حبك تطرف ....حبك تصوف .....حبك حياتى
وانت كمان شوف هتحافظ على نفسك ازاى
علشان ربنا كمان يحافظلك على شريكة عمرك

----------------------------------------------------------
التوبيك دة معرفش اية سبب كتابتة
بس بجد علشان اللى باشوفة اليومين دول
الولاد بتستهبل والبنات بتستهبل والكل سايق فيها
مفيش احترام ..مفيش خوف على بعض مفيش اى حاجة
ما تتنازليش عن اى حاجة علشان خاطر اى مصلحة مهما كانت
وانت ماتعيشش الدور ..فى اللى احسن منك مليون مرة ..خاف ربنا
ربنا يحمينا كلنا