قصه صعبه اوي علي نجوم اف ام

الموضوع ببساطه شديده جه ف برنامج انا و النجوم و هواك علي نجوم اف ام
و انا عرفته و قلت انقلهولكم اعرف رايكم

وانا اصلا بصراحه بحب البرنامج
اصل بصراحه البنات عندنا فى مصر بقت جريئه جداا كل حاجه بقت متاحه تتقال وتتحكى
واكتر حاجه تنرفز ان البنت منهم بتكون موطيه صوتها فى التليفون خايفه من ان باباها و ماماتها يسمعوها ومش بتتكسف من الملايين اللى بيسمعو البرنامج لما يسمعو قصتها .

مكالمه تليفونيه لاسامه منير علي الهوا في برنامج انا و النجوم و هواك من حنين بتحكي فيه قصتها

انها حبت واحد و الواحد ده تعب و كان عنده مشاكل ف الكلي

اتبرعتله حنين بكليتها

و بعد كده حنين اصيبت بالسرطان

و بعد كده الولد كان موقفه ايه بقه؟؟؟؟؟؟؟؟؟


سابها
و فركش الارتباط الرسمي اللي كان بينهم


هيه طلبت اسامه منير عشان تترجي عمرو ((( الولد اللي كان مرتبط بيها رسمي ))) انه يرجعلها تاني و لو لفتره صغيره و انها نفسها تشوفه

عمرو راح خطب بنت تانيه

و ف يوم خطوبته اصحاب حنين اتصلو بيها و قالولها انهم ف خطوبه عمرو

حنين كانت ف ايامها الاخيره

حنين مستحملتش

حنين ماتت يوم الحلقه الفجر

قبل ما تموت حنين و اخر جمله ليها قالتها لاختها و قالتلها (((( قولي لاسامه - قصدها اسامه منير - يقول لعمرو انا مش مسامحاك و منك لله يا عمرو ))))


و دي الحلقه اللي اعلن فيها اسامه منير وفاة حنين و الرساله اللي كانت هيه عاوزة توصلها ل عمرو


يا جماعه ده مش فيلم عربي ولا قصه خياليه

الكلام ده حصل فعلا

الكلام ده حقيقي

ايه رايكم ف قصه زي دي ؟؟؟؟؟؟؟؟؟؟؟

ايه رايكم ف عمرو؟؟؟؟؟؟؟؟؟؟؟


انا بطلب منك انكم تقروا الفاتحه علي روح البنت دي من غير ما اعرفها هيه و جميع موتي المسلمين

الله يرحمك يا حنين
بجد موضوع رائع