افشل خمس اماكن لمقابله فتاه ......

ذهن الرجل يروح وييجي ويقلب يمين وشمال عشان يختار مكان مناسب لمواعدة فتاته وخاصة إذا كان هذا هو اللقاء الأول، فالمكان الذي سيختاره سيعبر عن شخصيته، وهذا الموضوع موجه إلى كل شاب بيفكر إنه يختار مكان مطرقع عشان يجنن حبيبته فيه بعيد الحب لأن هذه الفكرة المطرقعة قد تتحول إلى شيء سلبي إذا ذهب لإحدى هذه الأماكن:

القهوة البلدي

حيث يتخيل الرجل أحيانا أن المرأة محرومة من هذا الجو المميز، فيحاول ألا يحرمها منه ويأخذها على أي قهوة بيقعد عليها معتقدا أن هذه الخروجة هي جو شعبي اورينتال جديد عليها وأنه سيعجبها جدا لأنها صرحت له من قبل إنها هتموت وتقعد على قهوة ولكنه سيفاجأ إنها كانت ستموت ليس بسبب حرمانها من الجلوس على المقهى ولكن كانت خرمانة حبتين ونفسها تضرب حجر، لأن هذا أول طلب ستطلبه وهي جالسة معه.

عزومة على الافطار صباحا

وهو لقاء فاشل لأن الوخم والنوم والتوهان سوف يكون سيد الموقف وخاصة في الشتاء، كما أن شريكتك لن يمكنها أن تأخذ راحتها في الماكياج، وهذه العزومة قد يفكر فيها الشاب كي يقضي اليوم بأكمله معها بدلا من مواعدتها ليلا ويقضي ساعتين فقط

الذهاب لمعرض فني

قد يريد الرجل أن يرسم صورة ذهنية جيدة عن نفسه تقول إنه فنان وحساس وبيفهم في الفن، ولذلك قد تأتي إليه فكرة ويدعوها إلى معرض فني يشرح لها فيه كيفية تداخل الخطوط الطولية الحمراء مع الدوائر البنفسجية الزرقاء وتأثير ذلك على صراع النفس مع الكينونة في اللاوعي.

التسوق

قد يلجأ الولد لحيلة التسوق لقضاء أطول وقت مع شريكته والتنزه في عدة أماكن ودون تكلفة عالية، وعليك أن تتأكد أنه حين يحل التعب عليكما فلن تقويان على الاستمرار في التنزه كما أن كثرة الانشغال بالمعروضات تقلل الحديث بينكما.

العيلة عايزة تشوفك

حيلة مفقوسة من أيام حسين فهمي وسعاد حسني، تلاقي الولد بيقول لشريكته إن مامته واخته نفسهم يتعرفوا عليها وطبعا البنت بكل براءة تروح عشان تشوفهم رغم إنها عارفة إن مامته ميتة من سنتين وإنه ملوش اخوات بنات، وبعد ما تروح تفاجأ إنه بيقولها إنه خدعها عشان بيحبها ويحاول إنه يتهجم عليها وهي تفرفر بين إيده وتقوله "يا مجرم يا وحش"، فبلاش تلجأ للحيلة هذه مطلقا لأن البنات مش راح تمشي معهم هذه الحركات..........افتكرونى بقه

ههههههههههههههههههههههههههههههههههههههاهاهاهاهاهاهاهاهاي

كلو باين وواضح وزي الفل

لكن نيجي بقي للعيلة عاوزة تشوفك
يعني هيا عارفة ان اخواتو ومامتو مش موجدين طيب تروح معاه لييييييييييه لالالالالالالا
كدا في كلام تاني هيا متروحش لكن تروح مغصب عنو هيتهجم وهيت................ هههههههههههههه ووهيعمل اللي نفسو فيه هههههههه

ااااااااااااااااااه منكو يا بنات تكونو عارفين كل حاجة وتعملو فيها ماما البريئة ملزمتو ايه ميرسو بعض علي الفولة من الاول
ويصبرو لحد الجواز

هههههههههههههههههههههههههههه

معلش كان الواحد صريح اصل شدني اوي الكلام اللي في الاخر دا

وقبل كل دا تسلم الايادي علي الموضوع الجامد دا ومنتظرين المزيد والمزيد

mhwa 5las kan zaman 7kayt mama 3yza tshofek de ...........bas thxxxxx ya lemoo 3al moshrktek

لا اطورو شويا بس لا زال المقصود من ماما عاوزة تشوفك زيي ما هوا لكن متطور
وبقو علنييييييييييييي
هههههههههههههههههه